អបអរសាទរ ពិធីបិទបវេសនកាលឆ្នាំសិក្សា២០១៧-២០១៨

26 ៧ អបអរសាទរ ពិធីបិទបវេសនកាលឆ្នាំសិក្សា២០១៧-២០១៨

កាលពីថ្ងៃទី២៥ ខែកក្កដា ឆ្នាំ២០១៧ កន្លងទៅនេះ គណៈគ្រប់គ្រងសាលា និងលោកគ្រូ អ្នកគ្រូ​នៃ​សាលា​រៀន អន្តរទ្វីប អាមេរិកាំង បានរៀបចំប្រារព្ធពិធីបិទបវេសនកាល ឆ្នាំសិក្សា២០១៧-២០១៨ ដែលបានធ្វើឡើងនៅសាលសហសិក្សា សម្តេចអគ្គមហាសេនាបតីតេជោ ហ៊ុន សែន នៃវិទ្យាស្ថានបច្ចេក​វិទ្យា​កម្ពុជា ស្ថិតក្នុងរាជធានីភ្នំពេញ។

កម្មវិធីនេះចាប់ផ្តើមឡើង វេលាម៉ោង ៨:០០នាទីព្រឹក ដល់ ១០:៣០នាទីព្រឹក ដែលមានការអញ្ជើញចូលរួមពី គណៈ​គ្រប់គ្រងសាលា បុគ្គលិក លោក​គ្រូ អ្នកគ្រូ មាតាបិតា អ្នកអាណាព្យាបាលសិស្សយ៉ាង​​​ច្រើនកុះករ ជាពិសេសប្អូនៗសិស្សានុសិស្សថ្នាក់ទី៧​ ដល់ទី១២ នៃសាលារៀន អន្តរទ្វីប អាមេរិកាំង។ កម្មវិធីនេះ ត្រូវបានប្រព្រឹត្តទៅដោយភាពសប្បាយរីករាយជាមួយនឹងការបង្ហាញទេព​កោសល្យ​ដ៏​ល្អៗ​​ និងប៉ិនប្រសប់របស់ប្អូនៗ​​សិស្សានុសិស្សនៃសាលារៀន អន្តរទ្វីប អាមេរិកាំង ដូច​ជាការច្រៀង​ចម្រៀង សម្តែងរបាំប្រពៃណី និងការបង្ហាញចង្វាក់រាំ ព្រមទាំងមានការសម្តែងចម្រៀងកាយវិការអម ដោយយ៉ាងសប្បាយរីករាយ។

មានការថ្លែងសុន្ទរកថារបស់គ្រូ សិស្ស និងអតីតសិស្ស អន្តរទ្វីប និង មានប្រសាសន៍សំណេះសំណាល​ ក្រោមអធិបតីភាពរបស់ លោកស្រី រស់ យ៉ាណា ប្រធាន ចាងហ្វាងនៃសាលារៀន អន្តរទ្វីប អាមេរិកាំង មានការប្រគល់រង្វាន់ និងបណ្ណសរសើរដល់ សិស្សពូកែ ម៉េងលី ជេ. គួច សិស្សពូកែថ្នាក់ជាតិ និងអន្តរជាតិ។
នៅចុងបញ្ចប់នៃកម្មវិធី មានការថតរូបជុំគ្នា ដើម្បីទុកជាអនុស្សាវរីយ៍ ក្នុងឆ្នាំសិក្សារបស់​ប្អូនៗ ហើយធ្វើឱ្យកម្មវិធីកាន់តែមានភាពសប្បាយរីករាយ និងមានការចងចាំកាន់តែយូរអង្វែង។