សិស្ស​ថ្នាក់​មត្តេយ្យ​ នៅ​សាលា​ AIS​ ៣៣៩នាក់​ ទទួល​វិញ្ញាបនបត្រ​បញ្ចប់​កម្រិតសិក្សា​

សិស្ស​ថ្នាក់​មត្តេយ្យ​ នៅ​សាលា​ AIS​ ៣៣៩នាក់​ ទទួល​វិញ្ញាបនបត្រ​បញ្ចប់​កម្រិតសិក្សា​

ក្នុង​ពិធី​ប្រគល់​វិញ្ញាបនបត្រ​បញ្ជាក់​ការសិក្សា​ដល់​ សិស្ស​ថ្នាក់​មត្តេយ្យ​ នៅ​ថ្ងៃទី២៤​ កក្កដា​នេះ​ នៅ​សាលារៀន​ អន្តរទ្វីប​ អាមេរិកាំង​ សាខា​ទួលគោក លោកស្រី​ រស់​ យ៉ា​ណា​ ប្រធាន​សាលារៀន អន្តរទ្វីប អាមេរិកាំង បាន​លើកឡើង​ថា​ សិស្ស​ថ្នាក់​មត្តេយ្យ​ សាលារៀន​ អន្តរទ្វីប​ អាមេរិកាំង​ ចំនួន៣៣៩នាក់​ ដែល​បញ្ចប់​មួយ​កម្រិតសិក្សា​ គឺ​សុទ្ធតែ​ជាគ្រាប់​ពូជ​ដ៏​ល្អ​នៅក្នុង​រង្វង់​គ្រួសារ​ សង្គម​ និង​ប្រទេសជាតិ​ទាំងមូល​។

លោកស្រី​បញ្ជាក់​ថា​ កត្តា​ដែល​ជំរុញ​ឱ្យ​សិស្សានុសិស្ស​ទទួល​បាន​ជោគជ័យ​នេះ​ កើតឡើង​ចេញពី​ទឹកចិត្ត​ នៃ​ការ​ខ្នះខ្នែង​ និង​ចូលរួម​យ៉ាងសកម្ម​ពី​សំណាក​បុគ្គលិក​សិក្សា​ ជាពិសេស​ការចូលរួម​ និង​ការ​គាំទ្រ​យ៉ាង​មុតមាំ​ ពី​បណ្ដា​អ្នកអាណាព្យាបាល​សិស្ស​។

ជាមួយនឹង​គ្នា​នេះ​ អ្នកអាណាព្យាបាល​កុមារា​ កាយ​ គង់​ចន្ទ​វិជ្ជា​ គឺ​អ្នកស្រី​ គង់​ បូរ៉ា​។ លោកស្រី​ បាន​សម្ដែង​ពី​ភាព​រីករាយ​ បន្ទាប់ពី​ឃើញ​កូន​ទទួល​បាន​វិញ្ញា​បន​បត្រ​បញ្ជាក់​ការសិក្សា​ពីសា​លា​។

អ្នកស្រី​បាន​មានប្រសាសន៍​លើកឡើង​ថា​៖ «ថ្ងៃនេះ​គ្មាន​ពាក្យ​អ្វី​ ក្រៅ​អារម្មណ៍​រំភើប​ និង​សប្បាយរីករាយ​ឥតឧបមា​ ដែល​ឃើញ​កូន​ទទួល​បាន​ជោគជ័យ​ក្នុង​ការសិក្សា​នេះ​ បើ​ទោះ​កូន​របស់ខ្ញុំ​នៅ​ថ្នាក់​តូច​ក៏​ពិតមែន​ តែ​អ្វី​ដែល​គាត់​ទទួល​បាន​នៅ​ថ្ងៃនេះ​ ​គឺ​ជា​អនុ​ស្សាវ​វីយ៍​មួយ​ ដែល​បាន​បញ្ជាក់​ពី​កុមារភាព​របស់​គាត់​ ទាំងអស់​ហើយ​នេះ​ដែល​ជំរុញ​ ​នឹង​លើកទឹកចិត្ត​ដ៏​ល្អ​មួយ​ សម្រាប់​ទាក់ទាញចិត្ត​កូន​ខ្ញុំ​ឱ្យ​ចង់​មក​សាលារៀន​។»

អ្នកស្រី​ គង់​ បូរ៉ា​ បាន​លើកឡើង​ដែរ​ថា​ ទោះជា​មមាញឹក​នឹង​ការងារ​យ៉ាងណា​ក្តី​ ក៏​លោកស្រី​តែងតែ​សហការ​ជាមួយនឹង​សាលា​ក្នុង​ការអប់រំ​កូន​។ ពិសេស​​ដើម្បី​ចូលរួម​លើក​ទឹក​ចិ​ត្ត​កូន​ៗ នៅក្នុង​កម្ម​វិ​ធី​ផ្សេង​ៗ ដែល​រៀបចំ​ដោយសា​លា​។

អ្នកស្រី​បន្ត​ថា​ «សាលារៀន​មួយ​នេះ​ ខ្ញុំ​ជឿជាក់​ទាំង​គុណភាព​ វិន័យ​ និង​សេវាកម្ម​ ដែល​អាច​ទទួលយក​បាន​ ព្រមទាំង​លោកគ្រូ​ អ្នកគ្រូ​ តែង​បង្ហាត់​កូន​ខ្ញុំ​កន្លងមក​ នឹង​សូម​អរគុណ​លោក​ឧកញ៉ា​គួច​ ម៉េ​ងលី​ ដែល​បាន​បង្កើត​គ្រឹះស្ថាន​អប់រំ​នេះ​ឡើង​ ​ដែល​អាច​ធ្វើ​ឱ្យ​កូន​ខ្ញុំ​ទទួល​បាន​ចំណេះដឹង​ពិតប្រាកដ​។»

លោកស្រី​ អ៊ា​វ ណា​រី​ ចាងហ្វាង​រង​ ក្រោម​មត្តេយ្យ​ មត្តេយ្យ​ និង​បឋមសិក្សា​ សាខា​ទួលគោក​ បានឱ្យ​ដឹង​ថា​ កម្មវិធី​នេះ​ប្រារព្ធ​ឡើងជា​រៀងរាល់​ឆ្នាំ​ ដើម្បី​ជា​ភស្តុតាង​មួយ​ បញ្ជាក់​នូវ​ការ​បញ្ចប់​ថ្នាក់​សិក្សា​ ក៏ដូចជា​បង្កើត​នូវ​កម្រ​ងអានុ​ស្សា​វរីយ៍​រវាង​សិស្ស​និង​សិស្ស​ ជាមួយ​អាណាព្យាបាល​ និង​លោកគ្រូ​ ​អ្នកគ្រូ​។ លោកស្រី​រំពឹង​ថា​ សិស្ស​ទាំងអស់​នឹង​ក្លាយ​ខ្លួន​ជា​បុគ្គល​ល្អ​ ដែល​សង្គម​ត្រូវការ​ ​ទៅ​ថ្ងៃមុខ​ នឹងអាច​រួមចំណែក​កសាង​ប្រទេសជាតិ​បាន​ទៅ​ថ្ងៃ​អនាគត​។

សូមជម្រាប​ថា​ ក្នុង​ពិធី​ចែក​វិញ្ញាបនបត្រ​លើក​ទី១២នេះ​ មានការ​ចូលរួម​ពី​លោកស្រី​ រស់​ យ៉ា​ណា​ ប្រធាន​សាលារៀន​ អន្តរទ្វីប​ អាមេរិកាំង​ នាយក​ចាងហ្វាង​ ចាងហ្វាង​ រួម​ទាំង​លោកគ្រូ​អ្នកគ្រូ​ និង​អ្នក​អា​ណា​ព្យ​បាល​យ៉ាងច្រើន​កុះករ​។ ក្នុង​ពិធី​ប្រគល់​​វិញ្ញាបនបត្រ​​បញ្ជាក់​ការ​សិក្សា​នេះ​ ក៏​មានការ​សម្ដែង​របាំ​ប្រពៃណី​ បង្ហាញ​ក្បាច់​រាំ​ និង​សម្ដែង​រឿង​ខ្លី​ៗបែប​អប់រំ ពី​សិស្សានុសិស្ស​ផង​ដែរ​៕

ប្រភព៖ The Intercon Rooster

No Comments

Sorry, the comment form is closed at this time.

Back to Top
សាលារៀន អន្ដរទ្វីប អាមេរិកាំង