ប្រវត្តិ​និង​សារៈសំខាន់​របស់​ទិវា​សិទ្ធិ​កុមារ​អន្តរជាតិ​

ប្រវត្តិ​និង​សារៈសំខាន់​របស់​ទិវា​សិទ្ធិ​កុមារ​អន្តរជាតិ​

​អត្ថបទ​ដោយ​: យុ​វ​សិស្ស​ ​អ៊ុង​ ខេ​ម​រា​បូណ៌មី​ច័ន្ទ/ ប៉ន ​ចំរើន​សុលិ​កា​/ ​សេង​ ម៉ូ​លី​ណា​ ​សមាជិក​ក្លិ​ប​សិក្សា​កាសែត​ ​A​I​S

​រៀងរាល់ថ្ងៃ​ទី​០​១​ ​ខែ​មិថុនា​ ​ជា​ថ្ងៃ​ដែល​ប្រទេស​នានា​លើ​សកលលោក​ក៏ដូចជា​ប្រទេស​កម្ពុជា​បាន​ប្រារព្ធ​ទិវា​សិទ្ធិ​កុមារ​ក្នុង​គោលបំណង​លើក​ក​ម្ពស់​នូវ​តម្លៃ​និង​សិទ្ធិ​សេរីភាព​របស់​កុមារ​ ​ដែល​ជា​ធនធានមនុស្ស​យ៉ាងសំខាន់​ក្នុង​ការចូលរួម​អនុវត្ត​កិច្ចការ​នានា​ដើម្បី​ជា​ការ​អភិវឌ្ឍ​ដល់​សង្គមជាតិ​នីមួយៗ​។​

​នៅ​ថ្ងៃ​ទី​១​០​ ​ខែ​មិថុនា​ ​ឆ្នាំ​១​៩​៤​២​ ​ជា​ពេលវេលា​ដ៏​គួរឲ្យ​ចងចាំ​ដែល​មាន​ព្រឹត្តិការណ៍​ឧក្រិដ្ឋកម្ម​ដ៏​ឃោរឃៅ​ព្រៃផ្សៃ​និង​សោ​ដ​នា​កម្ម​ ​ដែល​ពួក​ហ្វា​ស៊ី​ស​បាន​សម្លាប់​ប្រជាជន​ ​ជាពិសេស​កុមារ​ក្នុង​អំឡុង​ស​ង្រ្គា​ម​លោក​លើក​ទី​២​ ​បាន​ធ្វើឲ្យ​មនុស្សជាតិ​ស្លុតរន្ធត់​និង​ចងចាំ​ជានិច្ច​ ​ហើយ​ត្រូវ​បាន​សាធារណមតិ​ទូ​ទាំងសកល​លោក​ថ្កោលទោស​និង​មូលមតិគ្នា​បង្កើត​និង​អនុសញ្ញា​ស្ដីពី​សិទ្ធិ​កុមារ​ឡើង​។​ ​យោង​តាម​អនុសញ្ញា​ស្តីពី​សិទ្ធិ​កុមារ​ ​នេះ​ហើយ​ទើប​បណ្តាលឲ្យមាន​ការ​ប្រារព្ធ​ទិវា​កុមារ​អន្តរជាតិ​នៅ​ថ្ងៃ​ទី​ ​០​១​ ​ខែ​មិថុនា​ ​ឆ្នាំ​ ​១​៩​៥​០​ ​ឡើង​ ​ហើយក៏​ជា​កិច្ចព្រមព្រៀង​មួយ​របស់​អង្គការសហប្រជាជាតិ​ដែល​បាន​កំណត់​សិទ្ធិ​នានា​របស់​កុមារ​។​

​មូលហេតុ​នៃ​ការ​បង្កើត​អនុសញ្ញា​ស្តីពី​សិទ្ធិ​កុមារ​នេះ​ឡើង​គឺ​បណ្តាលមកពី​ ​សង្គម​ជាច្រើន​មិន​មានច្បាប់​ជាក់លាក់​សម្រាប់​ធានា​សិទ្ធិ​កុមារ​ ​បំពេញ​ផលប្រយោជន៍​និង​តម្រូវ​ការចាំបាច់​របស់​កុមារ​ ​ការពារ​សុវត្ថិភាព​កុមារ​ ​ជាពិសេស​កុមារ​ជា​ផ្នែក​ដ៏​សំខាន់​នៃ​ការ​អភិវឌ្ឍ​សង្គមជាតិ​នីមួយៗ​។​

​សិទ្ធិ​កុមារ​រួម​មាន​ ​៥​៩​ ​មាត្រា​។​ ​ប៉ុន្តែ​សិទ្ធិ​ធំ​ៗ​របស់​កុមារ​មាន​ចំនួន​ ​៤​ ​គឺ​ទី​១​ ​គឺ​សិទ្ធិ​រស់រាន​មានជីវិត​ ​ដែល​កុមារ​ត្រូវ​ទទួល​បាន​ចំណីអាហារ​ ​ជម្រក​ ​ការថែទាំ​ ​ឈ្មោះ​និង​សញ្ជាតិ​សមស្រប​។​ ​បន្ទាប់មក​គឺ​សិទ្ធិ​ក្នុង​ការ​អភិវឌ្ឍ​ ​ដែល​កុមារ​ទទួល​បាន​ការអប់រំ​ឥត​គិតថ្លៃ​និង​ក្លាយ​ជា​សមាជិក​ក្នុង​សហគមន៍​ ​។​ ​ចំណែក​ឯ​សិទ្ធិ​ចូលរួម​ ​គឺ​កុមារ​ត្រូវ​មាន​សិទ្ធិ​ទទួល​បាន​ព័ត៌មាន​ ​លើក​ក​ម្ពស់​ផ្នែក​សុខភាព​ ​បញ្ញា​ស្មារតី​ ​សីលធម៌​ ​និង​សង្គម​ដើម្បីឲ្យ​ពួកគេ​ចូលរួម​ផ្សព្វផ្សាយ​បាន​ទូលំទូលាយ​។​ ​ចុងក្រោយ​នោះ​គឺ​ ​សិទ្ធិ​ទទួល​បាន​នូវ​ការ​ការពារ​ ​គឺ​កុមារ​ត្រូវ​ទទួល​បានការ​ការពារ​ឱ្យ​រួចផុត​ពី​ការ​រំលោភបំពាន​ ​កេងប្រវ័ញ្ច​រូបភាព​ ​ការ​បំបែកចេញ​ពី​គ្រួសារ​ដោយ​ខុសច្បាប់​ ​និង​គ្រឿងញៀន​ផង​ដែរ​។​

​ដោយ​ផ្អែកលើ​មូលហេតុ​និង​ខ្លឹមសារ​នៃ​អនុសញ្ញា​ស្ដីពី​សិទ្ធិ​កុមារ​នេះ​ ​កុមារ​គប្បី​ទទួល​នូវ​បាន​សិទ្ធិ​សេរីភាព​ដែល​បាន​ចែង​ក្នុង​មាត្រា​និង​អនុសញ្ញា​ផ្ទាល់​ ​ព្រោះ​កុមារ​ប្រៀប​ដូចជា​សសរទ្រូង​យ៉ាង​រឹង​មាំ​របស់​សង្គមជាតិ​នីមួយៗ​ ​និង​ជា​ធនធាន​ដ៏​មាន​តម្លៃ​ដែល​ជាតិ​នីមួយៗ​ត្រូវការ​ដើម្បី​អភិវឌ្ឍន៍​ប្រទេស​ ​អាស្រ័យហេតុនេះ​ ​កុមារ​ត្រូវតែ​ទទួល​បាន​នូវ​ការអប់រំ​ណែនាំ​ ​ការ​ថ្នាក់ថ្នម​ស្រឡាញ់​ថែទាំ​ពី​មនុស្ស​ជុំវិញ​ខ្លួន​។​

​ក្នុង​ឱកាស​ទិវា​សិទ្ធិ​កុមារ​អន្តរជាតិ​ ​និង​ទិវា​កុមារ​កម្ពុជា​ ​សូមជូនពរ​ដល់​កុមារ​គ្រប់រូប​ឲ្យ​ជួប​តែ​សំណាងល្អ​ ​សុខភាព​ល្អ​ ​ជៀស​ឆ្ងាយ​ផុត​ពី​ជំងឺ​កូ​វីត​-​១​៩​។​

‘’​រីករាយ​ទិវា​សិទ្ធិ​កុមារ​អន្តរជាតិ​ ​និង​ទិវា​កុមារ​កម្ពុជា​’’

No Comments

Sorry, the comment form is closed at this time.

Back to Top