ប្រធានបទ “៨ចំណុចអាចជួយអ្នកបើកបរសន្សំសំចៃប្រេងសាំង”

ប្រធានបទ “៨ចំណុចអាចជួយអ្នកបើកបរសន្សំសំចៃប្រេងសាំង”

អត្ថបទព័ត៌មានស្តីពីបច្ចេកវិទ្យា និងការច្នៃប្រឌិត
ក្រោមប្រធានបទ “៨ចំណុចអាចជួយអ្នកបើកបរសន្សំសំចៃប្រេងសាំង”
អត្ថបទដោយ : ផេង ឧត្តម
#MJQE #American Intercon School

តើអ្នកដឹងទេថា អ្នកអាចសន្សំបានគួរឱ្យកត់សម្គាល់ទៅលើម៉ាស៊ីនបូមសាំង ដោយគ្រាន់តែកែប្រែទម្លាប់បើកបររបស់អ្នក។ ដោយមិនគិតពីប្រភេទរថយន្តដែលអ្នកបើកបរ ទម្លាប់បើកបរល្អអាចជួយដល់សេដ្ឋកិច្ចឥន្ធនៈកាន់តែប្រសើរ ដែលជួយសន្សំប្រាក់ និងជួយដល់ភពផែនដីផងដែរ។ ខាងក្រោមនេះ ជារបៀបដែលអ្នកអាចសន្សំសំចៃប្រេងសាំងបានពេលអ្នកបើកបរ៖

១. អនុវត្តការថែទាំជាប្រចាំ
រថយន្តរបស់អ្នកត្រូវការសមាមាត្រខ្យល់ និងឥន្ធនៈត្រឹមត្រូវ ដើម្បីដំណើរការប្រកបដោយប្រសិទ្ធភាព។ យានយន្តដែលមានការថែរក្សាល្អនឹងដំណើរការល្អបំផុត។

២. សប់កង់រថយន្តឱ្យគ្រប់គីឡូខ្យល់
កង់យានយន្តដែលធូរនឹងធ្វើឱ្យកាត់បន្ថយចម្ងាយ (វាមានគ្រោះថ្នាក់ផងដែរ) ពិនិត្យមើលការណែនាំរបស់អ្នកផលិត និងត្រូវប្រាកដថា កង់រថយន្តរបស់អ្នកត្រូវបានបូមគ្រប់គីឡូ PSI (pound per square inch) អតិបរមា ដែលវាស់នៅពេលត្រជាក់។

៣. ដាក់បញ្ចូលការធ្វើដំណើរទៅទីជិតៗជាមួយគ្នា
ការដាក់ការធ្វើដំណើរទៅទីជិតៗដូចជា ការទៅហាងលក់គ្រឿងទេស ហាងបោកអ៊ុត និងធនាគារ ទៅក្នុងដំណើរកម្សាន្តតែមួយគឺជាមធ្យោបាយដ៏មានប្រសិទ្ធភាពក្នុងការសន្សំសំចៃពេលវេលា ក៏ដូចជាប្រេងសាំង។

៤. បើកបរក្នុងល្បឿនល្មម
ទោះជាយានយន្តនីមួយៗខុសគ្នា តែចម្ងាយផ្លូវដែលត្រូវធ្វើដំណើរមានការថយចុះយ៉ាងលឿនជាង ៥០ MPH (Miles Per Hour) ក្នុងករណីភាគច្រើន។ ដើម្បីសន្សំសំចៃប្រេងសាំង អ្នកត្រូវបើកបរនៅក្រោមល្បឿនកំណត់ ហើយបើកបរក្នុងល្បឿនថេរ។ សូមប្រើការគ្រប់គ្រងល្បឿនឱ្យបានចំពោះការធ្វើដំណើរផ្លូវឆ្ងាយ។

៥. បើកបរដោយមានភាពទន់ភ្លន់
ទម្លាប់បើកបរយានយន្តយ៉ាងគឃ្លើនដូចជា ការរោទ៍ម៉ាស៊ីនខ្លាំងៗ បង្កើនល្បឿនកន្ត្រាក់ៗ និងការជាន់ហ្គែខ្លាំងៗ គឺជាការខ្ជះខ្ជាយប្រេងសាំងខ្លាំងបំផុត។ ជៀសវាងការចាប់ផ្តើមលឿនយកតែម្តង ហើយជាទូទៅត្រូវបើកបរក្នុងល្បឿនកំណត់ និងមធ្យមដើម្បីសន្សំសំចៃប្រេងសាំង។

៦. ធ្វើដំណើរដោយផ្ទុកទម្ងន់ស្រាល
ទម្ងន់បន្ថែមនៅក្នុងរថយន្តបង្កើតការអូសលើម៉ាស៊ីន ហើយធ្វើឱ្យស៊ីសាំងបន្ថែម កុំផ្ទុកទម្ងន់ធ្ងន់ប្រសិនបើអ្នកមិនចាំបាច់។ សូមពិនិត្យមើលខាងមុខ និងខាងក្រោយរថយន្ត ចំពោះរបស់របរដែលមិនចាំបាច់ អ្នកអាចរក្សាទុកនៅកន្លែងផ្សេងទៀតដោយសុវត្ថិភាពបាន។

៧. រក្សារថយន្តរបស់អ្នកឱ្យប៉ះខ្យល់តិច
ចលនាប៉ះខ្យល់តិចរបស់រថយន្តធ្វើឱ្យវាកាត់បន្ថយការអូសទាញ ជាពិសេសក្នុងល្បឿនលឿន និងធ្វើឱ្យយានយន្តស៊ីសាំងតិច។ បិទបង្អួច និងដំបូលយានយន្តពេលដែលអ្នកធ្វើដំណើរលើផ្លូវហាយវេ សូម្បីតែការថែរក្សាផ្នែកខាងក្រៅរបស់រថយន្តឱ្យស្អាតក៏អាចមានភាពខុសគ្នាដែរ។

៨. ជិះរួមគ្នា
អ្នកនឹងកាត់បន្ថយការប្រើប្រាស់ប្រេងសាំងពាក់កណ្តាលនៅពេលអ្នកជិះរួមគ្នា។ សុំមិត្តភក្តិ និងអ្នករួមការងារដែលរស់នៅក្បែរអ្នក ឬរស់នៅកន្លែងតែមួយជាមួយអ្នកដើម្បីជិះរួមគ្នា។ អ្នកអាចបែងចែកថ្លៃសាំងតាមវិធីជាច្រើនដូចជាមានអ្នកដំណើរ។

ដកស្រង់ចេញពី៖
– https://www.statefarm.com/simple-insights/auto-and-vehicles/use-less-gas-with-these-simple-tricks-of-efficient-drivers
– https://www.google.com/search?q=psi+full+form&rlz=1C1CHBF_enKH859KH859&ei=I9yMYPKXGsaO4

No Comments

Sorry, the comment form is closed at this time.

Back to Top
សាលារៀន អន្ដរទ្វីប អាមេរិកាំង