ប្រធានបទ “អត្ថប្រយោជន៍នៃការហែលទឹក”

ប្រធានបទ “អត្ថប្រយោជន៍នៃការហែលទឹក”

អត្ថបទព័ត៌មានស្តីពីសុខភាព
ក្រោមប្រធានបទ “អត្ថប្រយោជន៍នៃការហែលទឹក”
អត្ថបទដោយ : ខាត់ សុធា
#MJQE#AmericanInterconSchool

ការហាត់ប្រាណពិតជាមានសារៈសំខាន់ណាស់សម្រាប់មនុស្សគ្រប់វ័យ។ មនុស្សម្នាក់ៗមានចំណង់ចំណូលចិត្តរៀងៗខ្លួនក្នុងការជ្រើសរើសយកការហាត់ប្រាណដែលគាត់ចូលចិត្ត និងពេលវេលាសមស្របដែលខ្លួនមាន។ ការហែលទឹក គឺជាការហាត់ប្រាណដ៏អស្ចារ្យមួយ ព្រោះអ្នកត្រូវការធ្វើចលនារាងកាយទាំងមូលប្រឆាំងនឹងភាពធន់នឹងទឹក។ ខាងក្រោមនេះ ខ្ញុំសូមនិយាយអំពីអត្ថប្រយោជន៍នៃការ ហែលទឹកមានដូចតទៅ៖

1. ការធ្វើលំហាត់ប្រាណដែលមានផលប៉ះពាល់ទាប គឺជួយកាត់បន្ថយការរលាកសន្លាក់ដោយសាច់ដុំ និងជួយឱ្យសាច់ដុំនៅជុំវិញសន្លាក់មានភាពរឹងមាំ។
2. ធ្វើឱ្យចង្វាក់បេះដូងរបស់មនុស្សកើនឡើង ប៉ុន្តែត្រូវប្រឈមនឹងភាពតានតឹងពីក្នុងរាងកាយរបស់អ្នក។
3. បង្កើតការស៊ូទ្រាំកម្លាំងសាច់ដុំ និងសុខភាពសរសៃឈាមបេះដូង។
4. ជួយឱ្យអ្នករក្សាបាននូវទម្ងន់ថេរ បេះដូង និងសួតមានសុខភាពល្អ។
5. ពង្រឹងសាច់ដុំ និងបង្កើតកម្លាំងខ្លាំងក្លា។
6. ផ្តល់នូវការហាត់ប្រាណពេញរាងកាយ ព្រោះសាច់ដុំរបស់មនុស្សស្ទើរតែទាំងអស់ត្រូវបានប្រើ កំឡុងពេលហែលទឹក។
7. ផ្តល់ឱកាសសង្គម (ការបង្កើតឱ្យមានទំនាក់ទំនងល្អនៅក្នុងសង្គម)។
8. ធ្វើឱ្យការគេងបានប្រសើរឡើង (សម្រាប់មនុស្សវ័យចំណាស់)។

មុនពេលដែលអ្នកចាប់ផ្តើមហែលទឹកត្រូវដឹងពីចំណុចមួយចំនួនដូចខាងក្រោម៖
1. ត្រូវដឹងឱ្យច្បាស់ពីទីកន្លែងដែលគាត់ហែលទឹក ដូចជាជម្រៅទឹក និងគុណភាពទឹកសម្រាប់ ហែល។
2. កម្តៅសាច់ដុំ ពង្រីកសាច់ដុំ និងសន្លាក់របស់អ្នកមុនពេលហែលទឹក។
3. ផឹកទឹកឱ្យបានគ្រប់គ្រាន់មុន និងក្រោយពេលហែលទឹក។
4. សូមកុំហាត់ប្រាណឱ្យលើសពីសមត្ថភាពរបស់យើង ព្រោះអាចប៉ះពាល់ដល់សុខភាពអ្នក។

No Comments

Sorry, the comment form is closed at this time.

Back to Top
សាលារៀន អន្ដរទ្វីប អាមេរិកាំង