ប្រធានបទ “តើជំនាញអ្វីខ្លះក្នុងការគ្រប់គ្រងភាពតានតឹង ដែលអ្នកគួរតែរៀន?”

ប្រធានបទ “តើជំនាញអ្វីខ្លះក្នុងការគ្រប់គ្រងភាពតានតឹង ដែលអ្នកគួរតែរៀន?”

អត្ថបទព័ត៌មានស្តីពីសុខភាព និងសុខុមាលភាព
ក្រោមប្រធានបទ “តើជំនាញអ្វីខ្លះក្នុងការគ្រប់គ្រងភាពតានតឹង ដែលអ្នកគួរតែរៀន?”
អត្ថបទដោយ : អ៊ុន ច័ន្ទនិមល
#MJQE #AmericanInterconSchool

មកដល់ពេលនេះ អ្នកប្រហែលជាធ្លាប់បានសាកនូវវិធីសាស្រ្តមួយចំនួនហើយក្នុងការគ្រប់គ្រងភាពតានតឹងរបស់អ្នក ប៉ុន្តែអ្នកប្រហែលជាយល់ឃើញថាវាមិនសូវមានប្រសិទ្ធភាពសម្រាប់អ្នកប៉ុន្មានទេ។ មានវិធីជាច្រើនដែលអ្នកអាចបន្ថែមចូលទៅក្នុងបញ្ជីដែលអ្នកមានទាក់ទងនឹងវិធីសាស្ត្រក្នុងការគ្រប់គ្រងភាពតានតឹងនេះ៖

១. ញ៉ាំឱ្យបានល្អជាងមុន
របបអាហារដែលល្អសម្រាប់សុខភាព និងមានតុល្យភាព មិនត្រឹមតែល្អសម្រាប់រាងកាយរបស់អ្នកទេ ប៉ុន្តែវាក៏នាំឱ្យមានការរីកចម្រើនដល់អារម្មណ៍ផ្លូវចិត្តរបស់អ្នកដែរ។ ព្យាយាមកាត់បន្ថយការញុំាអាហារសម្រន់ដែលមិនមានជីវជាតិ ហើយផ្តោតលើអាហារគោលប្រចាំថ្ងៃ។ អាហារដែលមានរសជាតិឈ្ងុយឆ្ងាញ់ជាច្រើនដូចជា ផ្លែគីវី វ៉ល់ណាត់ ត្រីសាល់ម៉ុន ផ្លែទំពាំងបាយជូរ ខាត់ណា ស្រូវសំឡី និងអាហារ ផ្សេងៗទៀតអាចមានឥទ្ធិពលវិជ្ជមានទៅលើអារម្មណ៍ និងភាពតានតឹងរបស់អ្នក។

២. គេងឱ្យបានស្រួលជាងមុន
ការសម្រាកមិនបានគ្រប់គ្រាន់អាចនាំឱ្យមានការចងចាំខ្លី ប្រតិកម្មយឺត និងពិបាកក្នុងការផ្តោតអារម្មណ៍ ដែលទាំងអស់នេះសុទ្ធតែអាចធ្វើឱ្យអ្នកមានភាពតានតឹងក្នុងអារម្មណ៍ប្រចាំថ្ងៃ។ ប្រសិនបើអ្នកអាចទុកពេលទំនេរបានខ្លះ ការគេងសម្រាករយៈពេលខ្លីអាចជួយដាស់ឱ្យអ្នកមានអារម្មណ៍ស្វាងជាងមុន និងជួយដល់មុខងារផ្លូវចិត្តរបស់អ្នកបន្ទាប់ពីអ្នកក្រោកពីគេង។

៣. ផឹកអ្វីដែលជួយដល់សុខភាពអ្នកជាងមុន
កាត់បន្ថយការផឹកជាតិអាល់កុល និងជាតិកាហ្វេអ៊ីន។ សារជាតិទាំងពីរនេះអាចធ្វើឱ្យអ្នកមានអារម្មណ៍រំជួលចិត្តខ្លាំងចំពោះភាពតានតឹង និងអាចប៉ះពាល់ដល់គុណភាពនៃការគេងរបស់អ្នក។ សាកល្បងផឹកតែបៃតង ឬតែផ្កា chamomile ដែលជាជម្រើសល្អសម្រាប់សុខភាព។

៤. កត់ត្រាក្នុងសៀវភៅកំណត់ហេតុ
វិធីសាស្រ្តនេះត្រូវបានបង្ហាញថា មានប្រយោជន៍ខ្លាំងក្នុងការកាត់បន្ថយភាពតានតឹង។ សៀវភៅកំណត់ ហេតុអាចប្រើប្រាស់បានច្រើនយ៉ាង។ អ្នកអាចប្រើប្រាស់វាក្នុងការកត់ត្រាពីការគិតរបស់អ្នក និងព្រឹត្តិការណ៍ប្រចាំថ្ងៃ បញ្ចេញនូវអារម្មណ៍ និងភាពដឹងគុណរបស់អ្នក ឬប្រើប្រាស់វាក្នុងការគូររូបជា ដើម។

៥. ចាប់អារម្មណ៍ទៅលើកាយវិការរបស់អ្នក
រក្សារាងកាយរបស់អ្នកក្នុងទម្រង់មួយដែលត្រឹមត្រូវពេញមួយថ្ងៃ។ ប្រសិនបើអ្នកចំណាយពេលវេលាច្រើនអង្គុយលើកៅអី អង្គុយឱ្យបានត្រង់ខ្នង ហើយដាក់ប្រអប់ជើងឱ្យរាបស្មើនៅលើឥដ្ឋ។ ខិតស្មារបស់អ្នកទៅក្រោយដើម្បីកុំឱ្យខ្លួនរបស់អ្នកអោនទៅមុខ ហើយតម្រង់ក្បាលរបស់អ្នកឱ្យស្របជាមួយនឹងឆ្អឹងខ្នងរបស់អ្នក។

៦. សាកល្បងលំហាត់ប្រាណក្នុងការដកដង្ហើម
ការដកដង្ហើមឱ្យអស់ និងមួយៗ ខណៈពេលរាប់លេខឱ្យដល់១០ ជាវិធីសាស្រ្តសាមញ្ញមួយក្នុងការកាត់បន្ថយភាពតានតឹង។ អ្នកអាចធ្វើលំហាត់ប្រាណក្នុងការដកដង្ហើមនេះនៅគ្រប់ទីកន្លែង និងគ្រប់ពេល វេលា។ លំហាត់ប្រាណនេះមានភាពរហ័ស និងអាចជួយក្នុងការគ្រប់គ្រងអារម្មណ៍របស់អ្នកដែលអាចរួមចំណែកក្នុងការបង្កើនកម្រិតនៃភាពតានតឹង។

ដកស្រង់ចេញពី៖ https://www.prudential.com.kh/km/we-do-pulse/health-wellness/stress-management-skills/

No Comments

Sorry, the comment form is closed at this time.

Back to Top
សាលារៀន អន្ដរទ្វីប អាមេរិកាំង