ទិវាវប្បធម៌លើកទី១៣ ប្រចាំឆ្នាំ២០១៨

ទិវាវប្បធម៌លើកទី១៣ ប្រចាំឆ្នាំ២០១៨

កាលពីថ្ងៃទី១២ ខែមេសា ឆ្នាំ២០១៨ កន្លងទៅនេះ មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង​ បាន​ប្រារព្ធ​ទិវាវប្បធម៌លើក​ទី​១៣ យ៉ាង​អធិកអធម ដើម្បីអបអរឆ្នាំថ្មី​ប្រពៃណីជាតិ​ខ្មែរ នៅសាខាចាក់អង្រែ ដោយក្រោមអធិបតីភាពលោកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន និងក្រុមគ្រួសារ លោកគ្រូ អ្នកគ្រូ បុគ្គលិកគ្រប់ផ្នែក សិស្សានុសិស្ស និងសាធារណជនទូទៅយ៉ាងច្រើនកុះករ។

ក្នុងទិវាវប្បធម៌លើកទី១៣ នេះមានការលេងល្បែងប្រជាប្រិយ របាំ ការបង្ហាញក្បាច់គុន សម្ដែងរឿង រាំ ច្រៀង និង​មានកម្មពិធីផ្សេងៗ។ ហើយមានសិស្សានុសិស្ស លក់គ្រឿងឧបភោគ ដើម្បីយកប្រាក់ចំណេញមកបរិច្ចាគដល់អ្នក ដែលមានជីវភាពខ្វះខាតផងដែរ។

ក្រៅពីនេះ ក៏ដើម្បីឱ្យសិស្សានុសិស្សឈ្វេងយល់ពីទិដ្ឋភាពទូទៅនៃវប្បធម៌ ប្រពៃណី ទំនៀមទម្លាប់ សិល្បៈ របាំបុរាណខ្មែរ និងដឹងពីរបៀបលេងល្បែងប្រជាប្រិយ​នានាដែលប្រជាជនខ្មែរពេញនិយមដូចជា ទាញ់ព្រ័ត្រ វាយក្អម លាក់កន្សែង ស្លៀកសារុងដើរទូលក្អម ចោលឈូង ដណ្តើមស្លឹកឈើ ពង្រាត់កូនក្រមុំ បោះអង្គុញ លោតបាវ និងល្បែងប្រជាប្រិយជាច្រើនទៀត ដែលអាចបង្កើនភាពសប្បាយរីករាយ រឹតចំណងមិត្តភាព អនុស្សាវរីយ៍ ភាពស្និទ្ធស្នាល សាមគ្គីភាព ភាពក្លាហាន និងបង្កើននូវចំណងមិត្ដភាពមិត្ដរួមសាលាផងដែរ។ អត្ថបទដកស្រង់ពីអ៊ីនធ័រខន រ៉ូស្ទ័រ

No Comments

Post A Comment

Back to Top
សាលារៀន អន្ដរទ្វីប អាមេរិកាំង