ដំណើរទស្សនកិច្ចសិក្សាលើកទី១៣២ ប្រចាំសាលារៀន អន្តរទ្វីប អាមេរិកាំង

ដំណើរទស្សនកិច្ចសិក្សាលើកទី១៣២ ប្រចាំសាលារៀន អន្តរទ្វីប អាមេរិកាំង

កាលពីថ្ងៃទី២៥ ខែឧសភា ឆ្នាំ២០១៩ កន្លងទៅនេះ គណៈគ្រប់គ្រងសាលា និងលោកគ្រូ អ្នកគ្រូ នៃសាលារៀន អន្តរទ្វីប អាមេរិកាំង បានដឹកនាំសិស្សថ្នាក់ទី៨ ទាំងបីសាខាមានដូចជា សាខាម៉ៅសេទុង (ការិយាល័យកណ្តាល) សាខាទួលគោក និងសាខាចាក់អង្រែ ចុះទស្សនកិច្ចសិក្សាលើកទី១៣២ ប្រចាំសាលារៀន នៅសារមន្ទីរនរបុរី និងតំបន់កសិកម្ម ខេត្តកំពង់ស្ពឺ  ហើយថែមទាំងចុះចែកសម្ភារសិក្សាជូនដល់សិស្សានុសិស្សនៅ​សាលា​បឋម​សិក្សា​ខនារាម ។ នៅពេលទៅដល់សាលាបឋមសិក្សាខនារាម មានការស្វាគមន៍ពីសំណាក់លោកនាយកសាលា លោកគ្រូ អ្នកគ្រូ និងសិស្សានុសិស្សជាច្រើន។ ចាងហ្វាង លោកគ្រូ អ្នកគ្រូ និងសិស្សានុសិស្ស (AIS) បានចូលតាមបន្ទប់រៀន និងបានចែកអំណោយដល់សិស្សរួមមាន សៀវភៅ ប៊ិក ខ្មៅដៃ ជ័រលុប បន្ទាត់ រួមទាំងសម្ភារសិក្សាយ៉ាងច្រើនផ្សេងទៀតយកទៅចែកជូនដល់ប្អូនៗសិស្សានុសិស្សសាលាបឋមសិក្សា។ នេះជាការចូលរួមចំណែកចែករំលែកនូវការលំបាក និងលើកទឹកចិត្តដល់ប្អូនៗសិស្សានុសិស្សនៅទីជនបទឱ្យបន្តយកចិត្តទុកដាក់រៀនសូត្រ។ ក្រោយពីការចែកអំណោយរួចរាល់ ចាងហ្វាង លោកគ្រូ អ្នកគ្រូ និងសិស្សានុសិស្ស (AIS) ក៏បន្តដំណើរទៅកាន់សារមន្ទីរ នរបុរី និងតំបន់កសិកម្ម។​​​​​​​​​​​​ ពេលទៅដល់ទីនោះសិស្សានុសិស្សបានទស្សនាសារមន្ទីរ នរបុរី ដែលមានតាំងវត្ថុបុរាណ បានយល់ដឹងបន្ថែមពីប្រវតិ្តរបស់វត្ថុបុរាណទាំងនោះ។ ​មិនត្រឹមតែប៉ុណ្ណោះ សិស្សានុសិស្ស​បានពិភាក្សាគ្នា សរសេរចម្លើយលើក្រដាសកម្រងសំណួរដែល​បាន​ចែក​​ជូន។ បន្ថែមលើនេះទៅទៀតសិស្សានុសិស្សបានគយគន់ទិដ្ឋភាពក្នុងសារមន្ទីរ នរបុរី ​ ​ ដែល​ធ្វើ​ឱ្យ​សិស្សានុសិស្សមានភាពសប្បាយ​រីករាយអមជាមួយនិងចំណងមិត្តភាពដែលមិនអាចភ្លេចបាន៕

No Comments

Sorry, the comment form is closed at this time.

Back to Top
សាលារៀន អន្ដរទ្វីប អាមេរិកាំង