ដំណើរទស្សនកិច្ចសិក្សាលើកទី១២៧ ប្រចាំសាលារៀន អន្តរទ្វីប អាមេរិកាំង សម្រាប់សិស្សថ្នាក់ទី៧

ដំណើរទស្សនកិច្ចសិក្សាលើកទី១២៧ ប្រចាំសាលារៀន អន្តរទ្វីប អាមេរិកាំង សម្រាប់សិស្សថ្នាក់ទី៧

កាលពីថ្ងៃទី២២ ខែធ្នូ ឆ្នាំ២០១៨ កន្លងទៅគណៈគ្រប់គ្រង និងលោកគ្រូ អ្នកគ្រូ នៃសាលារៀន អន្ដរទ្វីប អាមេរិកាំង បានរៀបចំដំណើរទស្សនកិច្ចសិក្សាសម្រាប់សិស្សថ្នាក់ទី៧ ទាំងអស់ចុះធ្វើទស្សនកិច្ចសិក្សាទៅកាន់កសិដ្ឋាន កសិករគំរូ រស់ ម៉ៅ ស្ថិតនៅ​ក្នុងភូមិ​ចមពល ឃុំ​ពពេល ស្រុក​ត្រាំកក់ ខេត្ត​តាកែវ។

ដំណើរទស្សនកិច្ចសិក្សានេះ គឺជាឱកាសដ៏ល្អមួយសម្រាប់សិស្សានុសិស្សទទួលបាននូវចំណេះដឹង​ជា​ច្រើន​បន្ថែម​លើ​​​​មេរៀនក្នុងថ្នាក់ដូចជា៖

១.    សិក្សាពីការដាំដំណាំកសិកម្មរបស់ប្រជាកសិករ ដែលជាដំណាំ​ធម្មជាតិ​នៅ​ក្នុង​ប្រទេស​កម្ពុជា។

២.   យល់ដឹងបន្ថែមពីលក្ខណៈនៃការលូតលាស់របស់បន្លែបង្ការដូចជា សាឡាត់ តាំងឱ​ ស្ពៃជា​ច្រើន​ប្រ​ភេទ ​​ប៉េងប៉ោះ ម្ទេស ត្រប់ ម្រះព្រៅ ខ្ទឹម ជាដើម។​

៣.   ស្វែងយល់ពីបច្ចេកទេសក្នុងការចិញ្ចឹមមាន់ ទា និងការដាំដុះប្រភេទបន្លែបង្ការខ្មែរ ​តាំង​ពី​ពេល​សាប​ព្រោះ រហូត​ដល់​ពេល​ប្រមូល​​ផល។

៤.    គយគន់ទេសភាពភូមិឋាន និងយល់ដឹងពីការប្រកបមុខរបរប្រចាំថ្ងៃ កម្រិតជីវភាពរស់នៅ និងស្មារតី​ឧស្សាហ៍​ព្យាយាម​របស់​ប្រជាកសិក​រខ្មែរនៅក្នុងខេត្តតាកែវ។

៥.    ទទួលបានចំណេះដឹងថ្មីៗជាច្រើនបន្ថែមស្ដីពីកសិកម្មដាំដុះពីប្រជាកសិករអាជីព។

៦.    មានស្មារតីលើកស្ទួយ និងចូលរួមគាំទ្រវិស័យកសិកម្ម របស់​ប្រជាកសិករ​ខ្មែរ​យើង។

៧.    រឹតចំណងមិត្ដភាព សាមគ្គីភាព បង្កើនភាពក្លាហាន និងបទពិសោធន៍ក្នុងការបកស្រាយ ការសហការ ការដឹកនាំ ឯករាជ្យភាព ភាពម្ចាស់ការ ទំនាក់ទំនងក្នុងក្រុម និងទំនាក់ទំនងជាមួយមហាជន​បានកាន់ តែ​ប្រសើរ។

៨.         បានឆ្លុះបញ្ចាំងខ្លឹមសារមេរៀន ទទួលបាននូវចំណេះដឹងថ្មីៗ និងអារម្មណ៍ជ្រះថ្លាក្នុងពេល​កំពុង​ទស្សន​កិច្ចនៅ​ទីនោះ ក៏ដូចជាពេលត្រឡប់​មកគេហដ្ឋានវិញផងដែរ។

No Comments

Post A Comment

Back to Top