គុណសម្បត្តិ នៃថាមពលពន្លឺព្រះអាទិត្យ

គុណសម្បត្តិ នៃថាមពលពន្លឺព្រះអាទិត្យ

អត្ថបទព័ត៌មានស្តីពីបច្ចេកវិទ្យា
ក្រោមប្រធានបទ “គុណសម្បត្តិ នៃថាមពលពន្លឺព្រះអាទិត្យ”
អត្ថបទដកស្រង់ដោយ : ពៅ ភក្តី
#MJQE#AmericanInterconSchool

យើងដឹងហើយថា មនុស្សជាតិកំពុងអភិវឌ្ឍយ៉ាងខ្លាំងលើគ្រប់វិស័យនៅក្នុងសតវត្សចុងក្រោយនេះ ហើយការរីកចម្រើននេះ ចាំបាច់បំផុតត្រូវតែមានចរន្តអគ្គិសនីដើម្បីជួយជំរុញការលូតលាស់មួយ នេះផងដែរ។ ហេតុដូចនេះហើយបានជាអ្នកវិទ្យាសាស្ត្របានរិះរកគ្រប់មធ្យោបាយ ដើម្បីទាញយក ថាមពលពីធម្មជាតិដែលកើតឡើងវិញមកបំប្លែងជាថាមពលអគ្គិសនីមានដូចជា ថាមពលវារីអគ្គិសនី ថាមពលពន្លឺព្រះអាទិត្យ ថាមពលកម្លាំងខ្យល់បក់ ជាដើម ដើម្បីឱ្យមនុស្សជាតិប្រើប្រាស់ប្រចាំថ្ងៃ។

ក្នុងចំណោមថាមពលទាំងអស់ខាងលើ ខ្ញុំសូមលើកយកនូវថាមពលពន្លឺព្រះអាទិត្យ និងគុណ សម្បត្តិរបស់វាមកបញ្ជាក់។ ថាមពលពន្លឺព្រះអាទិត្យ គឺជាធនធានស្អាត និងកកើតឡើងវិញបាន ហើយអាចដើរតួនាទីយ៉ាងសំខាន់ក្នុងអនាគតថាមពលរបស់ពិភពលោក។ ការប្រើប្រាស់ប្រភព ខ្យល់ ទឹក ឬពន្លឺព្រះអាទិត្យ គឺជាវិធានការមូលដ្ឋានដើម្បីចៀសវាងការប្រើប្រាស់កាកសំណល់ បំពុល ហើយមិនអាចបំបែកបាននៅពេលអនាគត។ ថាមពលពន្លឺព្រះអាទិត្យត្រូវបានគេស្វាគមន៍ ថាជាប្រភពដែលមិនអាចខ្វះបាននៃឥន្ធនៈដោយគ្មានការបំពុល និងសំឡេងរំខាន។ សព្វថ្ងៃនេះការ ប្រើប្រាស់ថាមពលពន្លឺព្រះអាទិត្យបានកើនឡើង20%ក្នុងមួយឆ្នាំ ក្នុងរយៈពេល15ឆ្នាំចុងក្រោយ នេះ។ ប្រទេសជប៉ុន អាឡឺម៉ង់ និងសហរដ្ឋអាមេរិក គឺជាទីផ្សារចម្បងសម្រាប់កោសិកាពន្លឺ ព្រះអាទិត្យ។ ការប្រើប្រាស់ ថាមពលពន្លឺព្រះអាទិត្យ ឬបន្ទះសូឡា បានផ្តល់នូវគុណសម្បត្តិជាច្រើន ដូចជា៖
1. វាគឺជាថាមពលស្អាតទាំងស្រុង ដោយជួយកាត់បន្ថយកម្រិតកាបូនរបស់អ្នក
2. វាជាប្រភពថាមពលកកើតឡើងវិញ និងប្រកបដោយនិរន្តរភាពតាមពេលវេលា
3. វាមិនត្រូវការប្រភេទរ៉ែណាមួយ ដែលជាវត្ថុធាតុដើមសម្រាប់ឱ្យវាដំណើរការទេ
4. វាជាប្រភេទថាមពលអាចកម្តៅវត្ថុ ដោយបង្កើតឱ្យមានចរន្តអគ្កិសនី
5. ពន្លឺព្រះអាទិត្យមានគ្រប់ទីកន្លែង និងស្ទើរតែគ្រប់ចំណុចនៃភូមិសាស្ត្រលើភពផែនដី ដែលអាចប្រើថាមពលពន្លឺព្រះអាទិត្យបាន
6. មានការថយចុះតម្រូវការនៃការប្រើប្រាស់ឥន្ធនៈហ្វូស៊ីល
7. ជួយអភិរក្សធនធានធម្មជាតិ និងកាត់បន្ថយការបំពុលបរិស្ថាន
8. កាត់បន្ថយការចំណាយប្រចាំខែលើចរន្តអគ្គិសនី
9. មិនមានការដាច់ចរន្តអគ្កិសនី លើកលែងតែខូចប៉ុណ្ណោះ។

សរុបសេចក្តីមក យើងឃើញថាពន្លឺព្រះអាទិត្យក្រៅពីជួយឱ្យយើងមានសុខភាពល្អ រុក្ខជាតិលូត លាស់ស្រស់បំព្រង វាក៏ជួយក្នុងការបង្កើតជាថាមពលអគ្គិសនីសម្រាប់មនុស្សយើងប្រើប្រាស់ថែម ទៀត។ យើងឃើញថា ប្រសិនបើប្រជាពលរដ្ឋនៅតាមតំបន់ជនបទដែលពុំមានតម្រូវការចរន្ត អគ្គិសនីប្រើប្រាស់ច្រើននោះទេ គួរតែគិតគូក្នុងការប្រើប្រាស់ថាមពលពន្លឺព្រះអាទិត្យ ឬបន្ទះសូឡា វិញ ដើម្បីកាត់បន្ថយការចំណាយប្រចាំថ្ងៃ។

អត្ថបទដកស្រង់ចេញពីគេហទំព័រ៖ https://www.renovablesverdes.com/km/ventajas-de-la-energia-solar/

No Comments

Sorry, the comment form is closed at this time.

Back to Top
សាលារៀន អន្ដរទ្វីប អាមេរិកាំង