ការប្រកួតនិទានរឿងជាភាសាអង់គ្លេស នៃសាលារៀន អន្តរទ្វីប អាមេរិកាំង លើកទី៣ វគ្គផ្ដាច់ព្រ័ត្ត

03 ៥ ការប្រកួតនិទានរឿងជាភាសាអង់គ្លេស នៃសាលារៀន អន្តរទ្វីប អាមេរិកាំង លើកទី៣ វគ្គផ្ដាច់ព្រ័ត្ត

កាលពីថ្ងៃទី៣០ ខែមេសា ឆ្នាំ២០២២ សាលារៀន អន្តរទ្វីប​ អាមេរិកាំង បានរៀបចំកម្មវិធីប្រកួតនិទានរឿងជាភាសាអង់គ្លេស នៃសាលារៀន អន្តរទ្វីប អាមេរិកាំង លើកទី៣ វគ្គផ្ដាច់ព្រ័ត្ត នៅសាលប្រជុំ ផល គួច នៃសាលារៀន អន្តរទ្វីប អាមេរិកាំង សាខាទួលគោក។ នៅក្នុងការប្រកូតនោះដែរ មានបេក្ខជនចំនួន ១៨ នាក់ ដែលមកពីសាខាផ្សេងៗ។ គោលបំណងនៃការប្រកួតនេះ គឺដើម្បីឱ្យក្មេងៗស្រឡាញ់ការអាន និងចេះអានសៀវភៅល្អៗដែលចាប់ផ្តើមពីរឿងខ្លីៗមក  ហើយនៅពេលដែលពួកគាត់យល់ពីអត្ថន័យរបស់សាច់រឿង  នោះពួកគាត់អាចយល់ពីអ្វីដែលខ្លួនកំពុងធ្វើនិងអាចអភិវឌ្ឍខ្លួនឱ្យកាន់តែល្អ ។​ លើសពីនេះទៀត គឺចង់បណ្តុះឱ្យសិស្សមានភាពក្លាហានតាំងពីតូច និងជម្នះរាល់ឧបសគ្គដែលគាត់ជួបប្រទះ  ជាពិសេសគឺយកជ័យជម្នះលើភាពភ័យខ្លាចរបស់ពួកគាត់។  មិនតែប៉ុណ្ណោះ វាជាឱកាសមួយសម្រាប់ឱ្យសិស្សានុសិស្សបញ្ចេញសមត្ថភាពក្នុងការនិទានរឿងផ្សេងៗជាភាសាអង់គ្លេស ដោយរួមផ្សំជាមួយកាយវិការ និងភាពទាក់ទាញដើម្បីឱ្យទស្សនិកជនជក់ចិត្តផងដែរ។

គួរបញ្ជាក់ថា បេក្ខជនដែលជាប់ជ័យលាភីក្នុងការប្រកួតនិទានរឿងជាភាសាអង់គ្លេសនេះ បានទៅលើសិស្សដែលមកពីសាខាចាក់អង្រែ លេខពីរ បានទៅលើសាខា ផ្សារថ្មី និងលេខបី បានទៅលើ សាខា ម៉ៅសេទុង។​ បេក្ខជនជ័លាភី ទទួលបានអាហារូបករណ៍ មេដាយ បណ្ណសរសើរ ព្រមទាំងវត្ថុអនុស្សាវរីយ៍ និងទទួលបានអាហារូបករណ៍ 75% សម្រាប់ឆ្នាំសិក្សាបន្ទាប់។