ការបង្ហាញសាកល្បងគម្រោងស្រាវជ្រាវចូលរួមក្នុងកម្មវិធី ទិវាប្រវត្តិសាស្រ្តធម្មជាតិសកលលោកឆ្នាំ២០១៨

ការបង្ហាញសាកល្បងគម្រោងស្រាវជ្រាវចូលរួមក្នុងកម្មវិធី ទិវាប្រវត្តិសាស្រ្តធម្មជាតិសកលលោកឆ្នាំ២០១៨

កាលពីថ្ងៃទី១០ ខែកក្កដា ឆ្នាំ២០១៨ កន្លងទៅនេះ គណៈកម្មការនៃសាលា​រៀន អន្តរ​ទ្វីប អាមេរិកាំង បាននាំ​បេក្ខជន​ជា​សិស្ស​ឆ្នើមរបស់​សាលា​រៀន អន្តរ​ទ្វីប អាមេរិកាំង ចំនួន​៣​ក្រុម​ទៅចូលរួមការបង្ហាញសាកល្បងគម្រោងស្រាវជ្រាវចូលរួមក្នុងកម្មវិធី ទិវាប្រវត្តិសាស្រ្តធម្មជាតិសកលលោកឆ្នាំ២០១៨ នៅសាលពហុបំណងនៃមជ្ឈមណ្ឌលសហប្រតិបត្តិការកម្ពុជា-កូរ៉េ។ទិវា​ប្រវត្តិសាស្ត្រធម្ម​ជាតិ​សាកល​លោក​ឆ្នាំ​២០១៨ សិស្សានុសិស្សរបស់កម្ពុជានឹងទៅប្រកួត​ប្រជែង​ចំណេះដឹងនៅ​ប្រទេស​ចិន នៅថ្ងៃ​ទី១៩ រហូត​ដល់​ថ្ងៃ​ទី២៧ ខែ​កក្កដា ឆ្នាំ​២០១៨។ សិស្សរបស់សាលា​រៀន អន្តរ​ទ្វីប អាមេរិកាំង រួមមានយុវតី ស៊ុនលី សិក្ខា សិស្ស​ថ្នាក់​ទី១១ យុវតី ចៅ លីហ័រ ថ្នាក់​ទី១១ យុវតី ហួ សុជានាដ សិស្ស​ថ្នាក់​ទី៨ យុវតី ហេង ចន្ទកណិកា ថ្នាក់​ទី៨ យុវ​សិស្ស ភ លីហេង ថ្នាក់​ទី១០ យុវតី គ្រុយ ប៊ុនភាព និង​យុវតី អ៊ិន រតនៈស័ក្ដវីនណា ថ្នាក់​ទី១១។ទិវា​ប្រវត្តិសាស្ត្រធម្ម​ជាតិ​សាកល​លោក នៅ​សាធារណរដ្ឋ​ប្រជា​មានិត​ចិន​នេះ រៀបចំ​ឡើង ដើម្បី​ពង្រឹង​សមត្ថភាព​សិស្សានុ​សិស្ស ផ្នែក​វិទ្យា​សាស្រ្តធម្ម​ជាតិ និង​អភិវឌ្ឍ​ជំនាញ​ស្រាវជ្រាវ ច្នៃ​ប្រឌិត ភាពជា​អ្នក​ដឹក​នាំ បង្កើន​ចំណេះដឹង​ផ្នែក​វិទ្យាសាស្ត្រ ការ​ធ្វើ​បទ​បង្ហាញ​ជា​ភាសា​អង់គ្លេស និង​ការ​ធ្វើ​ការ​ងារ​ជា​ក្រុម។កម្មវិធី​នេះ ពិត​ជា​មាន​អត្ថ​ប្រយោជន៍ និង​សារៈ​សំខាន់​ណាស់ សម្រាប់​បេក្ខជន ដែល​ធ្វើ​ឱ្យ​ពួក​គេ​ក្លាហាន មាន​គំនិត​ច្នៃ​ប្រឌិត ចេះ​រស់​នៅ​ដោយ​ឯករាជ្យ ម្ចាស់​ការ ប្រុង​ប្រយ័ត្ន និង​ចេះ​ស្រាវជ្រាវ​រាល់​សកម្មភាព​ទាក់​ទង​នឹង​ប្រធាន​បទ។ ពិសេស​អ្នក​ចូល​រួម​ប្រកួត​នៅ​កម្មវិធី​នេះ គឺ​បាន​ស្គាល់​ពីកា​រស់​នៅ​របស់​ប្រជាជន​នៅ​តាម​មូលដ្ឋាន​នានា​នៅ​កម្ពុជា និង​បណ្ដាល​ប្រទេស​មួយ​ចំនួន។

No Comments

Post A Comment

Back to Top